Тус үзэсгэлэнгийн эхэнд “Монгол морь нь төв Азийн тал нутгаас ирэлтэй, морь нь хүн төрөлхтний дотно найз, үнэнч хань байсаар ирсэн. Монгол морь нь халуун, хүйтэнд тэсвэртэй, өвчин эмгэгийг эсэргүүцэх чадвартай зэрэг онцлогтой. Энэ удаагийн үзэсгэлэнд дэлгэгдсэн 40 уран зургийн шилдэг бүтээл нь “Монгол морины хүнд бэрх байдалд тэсвэртэйгээр урагш давших, зорьсондоо хүрэхгүй бол буцдаггүй” эрэмгий чанарыг тодруулж, “Монгол морийг дээдлэх үзэл санаа”-г дэлгэрүүлэх утга агуулгыг бүрэн илэрхийлсэн байна” хэмээн бичжээ. Олныг нуршилгүй тус үзэсгэлэнгийн зарим зургийг фото булангаараа онцлон хүргэж байна. Харин та өөрийн биеэр очиж үзэхийг хүсвэл өнөөдөр Монголын Уран зургийн галерейг зориорой. Тус үзэсгэлэн өнөөдрөөр дуусгавар болж буй юм.